Къаерден сен учып кельдинъ
Меним дюльбер, залым къушым?
Къондынъ меним юрегиме,
Алып кельдинъ гъам эвиме?
Оладжакъкъа чаре олмаз,
Бельки чечеклерим солмаз.
Билем, бир кунь эр шей кечер
Эм де бахтым мени сечер.
Багълама:
Кече еллер, кечер севгим,
Сербест олурсынъ, мелегим.
Мен унутмам сени джаным,
Неге къайнап башлай къаным?
Ах, даркъалды беяз думан,
Агъры тынды аман, аман.
Юрегимде бошлукъ, амма
Къальбим сенинъле эр заман.
Сенсиз азап чекерим мен,
Къайда учып кетесинъ сен?
Меним назик, залым къушым,
Нечюн бойле бахтсыз ашкъым?
Сени севип мен сорулдым,
Окюнчлерден де ёрулдым.
Янъгъызлыкътан мени къуртар,
Сонъ гонъюлим кокке учар.
Багълама.
Апрель, 2007 с.
Къуш
© Copyright: Эльмара Мустафа, 2017
Свидетельство о публикации №117101604298
Свидетельство о публикации №117101604298
Рецензии