(Зера Кенжикаева иджра эткен йыр)
Сувукъ пенджереге ресимлер сыза,
Къар ирий эллеримде, мен языкъсынам.
Аджайип масалдай янъы йыл келе,
Бизлерге шенъ байрам о алып келе.
Багълама:
Янъы йыл, янъы йыл
Алгъышлап эвиме келир.
Янъы йыл, янъы йыл,
Бизлерге бахт алып келир.
Коклерде йылдызлар парылдап яна,
Бу ресим геджени пек яраштыра.
Келеджек янъы йыл шенъликнен толсун,
Эм кечкен йылдан да о яхшы олсун.
Багълама.
Бу гедже йылдызлар ярыгъын сачар,
Акъреплер он эки дее чанъ чалар.
Бу гедже юреклер севгинен толсун
Йылбаш эпинъизге хайырлы олсун!
Багълама.
Ноябрь 18, 2006 с.
Янъы йыл
© Copyright: Эльмара Мустафа, 2017
Свидетельство о публикации №117101604277
Свидетельство о публикации №117101604277
Рецензии