(Динара иджра эткен йыр)
Не ичюн сени бекледим мен?
Не ичюн санъа инандым?
Не ичюн мени алдаттынъ сен?
Айтчы, сен не ичюн?
Бунъа сен мемнюн олма,
Козьлериме бакъма.
Бир кунь аман, аман
Айтырым мен санъа.
Багълама:
Янарсынъ, агъларсынъ,
агъларсынъ мен ичюн.
Бошлукънен къалырсынъ
бу дюньяда озюнъ.
Чечекдай соларсынъ
сувсуз яна-яна,
Ве эп бир къайтарсынъ,
къайтарсынъ сен манъа.
Не ичюн санъа расткельдим мен?
Не ичюн мен севип къалдым?
Не ичюн бойле худжурсынъ сен?
Айтчы, сен не ичюн?
Билесинъми айлана
Бу тёгерек дюнья.
Бир кунь аман, аман,
Айтырым мен санъа.
Багълама.
Декабрь, 2006 с.
Янарсынъ
© Copyright: Эльмара Мустафа, 2017
Свидетельство о публикации №117101604174
Свидетельство о публикации №117101604174
Рецензии