(Диляра Махмудова иджра эткен йыр)
Бу акъшам бизде байрам,
Эвлене къыз ве огълан.
Ян-яна адым ата,
Олар бугунь аятта.
Келин беяз антерде,
Инджилер бар фесинде.
Онынъ къысмети энди
Киевнинъ эллеринде.
Багълама:
Янъы саифе ачылды,
Эскилери ташланды.
Эндиден эки яш ичюн
Янъы омюр башланды.
Сой-соплар, достлар кельди,
Бахт ве къуванч тиледи.
Йылдызлар кокте яна,
Къысмет эсерин яза.
Мусафирлер эглене,
Киев ойнай, севине.
Онынъ къысмети энди
Келиннинъ эллеринде.
Багълама.
Нурларнен толар куньлер,
Бугуньден башлап сизлер
Нишанлылар дегиль де,
Апай, акъай оласыз.
Чалсын, музыка чалсын,
Мусафирлер ойнасын.
Гузель Къырым юртунда
Даа чокъ тойлар олсун!
Багълама.
Март 15, 2011 с.
Тойлар олсун!
© Copyright: Эльмара Мустафа, 2017
Свидетельство о публикации №117101604114
Свидетельство о публикации №117101604114
Рецензии