За багъишда,зи азизди,ваз зи хъвер,
Аквада ваз назиквални,кlанивал .
Хабар кьуртlа:"Вуж багьа я ваз эгер?"
Бейни хвена,гуз хьурай на разивал.
За багъишда,зи азизди,ваз зи бахт,
Дурум це на яшайишдин рекьериз.
Мадни чир жен,ваз,акъудиз жуван вахт,
Бахтлу уьмуьр,сабур гурай рикlериз.
За багъишда,зи азизди,ваз зи рикl,
Тада гел за жуван руьгьдин шад хьана.
Ви уьмуьрда жез тахьурай вун гъарикl,
Кlанивал чи уьмуьрлух яз сад хьана.
За багъишда,зи азизди,ваз уьмуьр,
Анжах вуна зи чинин нур атlумир!
Уьмуьрдиз кlанда чун,чазни гьа уьмуьр,
Сада-садан гьуьрмет хуьзвач лугьумир!
За багъишда...
© Copyright: Марьям Алискерова, 2017
Свидетельство о публикации №117101507843
Свидетельство о публикации №117101507843
Рецензии