(Эдем Мустафаев иджра эткен йыр)
Унуттым деп тюшюнсем
Шу мавы козьлеринъни,
Унуттым деп тюшюнсем
О татлы сёзлеринъни,
Тек енгиль, яз ельчиги
Эслете манъа сени. (2 кере)
Багълама:
Тек шимди мен анъладым,
О севгинъ ялан эди.
Тек шимди мен анъладым
О эр шей оюн эди.
Сен кеттинъ, излеринъни
Сувукъ боранлар сильди.
Сен кеттинъ, юрегимде
Къалдырып кедерликни.
Кечкендир деп тюшюнсем
Айрылыкънынъ агърысы,
Тек терен экен онынъ
Силинмейджек ярасы.
Бильдим севгимиз битти,
Тылсымлы масал киби. (2 кере)
Багълама.
Июль, 2008 с.
Севгинъ ялан эди
© Copyright: Эльмара Мустафа, 2017
Свидетельство о публикации №117101504986
Свидетельство о публикации №117101504986
Рецензии