(йыр)
Къара бир кунь олса, агълама,
Къысметке нафиле дарылма,
Кечер, бу да кечер —
Эки дерт йипини багълама.
Багълама:
Сувукъ къыш кече, баарь келе,
Янъы севги, янъы бахт иле.
Энъ кучьлю зельзеле
Эп бир ёрулып токътай илле.
Омюр дженк олгъанын унутма,
Кедер къафесине тутулма,
Етер, джаным, етер,
Япыкъ бир къапугъа урулма.
Багълама.
Сентябрь 5, 2012 с.
Зельзеле
© Copyright: Эльмара Мустафа, 2017
Свидетельство о публикации №117101504754
Свидетельство о публикации №117101504754
Рецензии