(Макаронизм)
«Эльмара, айтчы, не олды санъа?!» —
Бойле кимерде юрегим яна. —
«Олса да омюринъ худжур думан,
Чокъ алдатса да айнеджи заман.
Шу думанда бар эм арзу, эм дерт,
Шу думанда бар эм бахт эм кедер,
Лякин эр шейге бойсуна юрек,
Эбет эр шейге тек сабыр керек.
Бакъ, кунеш коктен севинип бакъа,
Саф ирмакъ суву тёпеден акъа.
Ялынъыз онъа ич сынъыр олмаз,
О чапа-чапа ич де ёрулмаз.
Биль, омюр озю — амансыз оюн,
Лякин эвинъни къураджанъ озюнъ.
Бу дюньяда бар эр шейге дерман,
Юз экимден энъ яхшысы — заман.
Тек яшама сен хаял ичинде,
Шу тюрлю ренкли алдав илинде.
Къалмай гуняхлар джезасыз, биль сен,
Адалет енъе, инан гонъюльден.
Узакъкъа кетсин сенинъ керванынъ!
Атеште янсын эр бир душманынъ!
Эр вакъыт макъсаднынъ пешинде ол!
Эркеске косьтер НАСТОЯЩИЙ ГОЛ!
Август 18, 2007 с.
Гол!
© Copyright: Эльмара Мустафа, 2017
Свидетельство о публикации №117101504650
Свидетельство о публикации №117101504650
Рецензии