Насыл назик чечек
Азбарымда осе!
Насыл худжур ельчик
Юрегиме эсе!
Бу джоюлгъан алем,
Бу къырылгъан юрек.
Нелер яза къалем?
Такъдирге не керек?
Сен тап мурад, къыймет
Омюр ёлларында.
Гузель, ярыкъ къысмет
Сенинъ къолларынъда.
Алла аят берген
Тек бир дане, узун.
«Инсан, яша!» –деген
–Ёлун ярыкъ олсун,
Яша бахтлы ве шенъ,
Яшайсынъ бир кере...
Олсун гузель ве шенъ
Янгъыз къалгъан дере.
Сен къур озюнъ ичюн
Буюкъ, къавий эвчик.
Онъа давет эт сен
Охшайыджы ельчик.
Ве уч узакъ кокке,
Ёлунъ догъру олсун!
Сен уч шеффаф кокке
Ёлунъ ачыкъ олсунъ!»
Январь 7, 2007
***
© Copyright: Эльмара Мустафа, 2017
Свидетельство о публикации №117101411049
Свидетельство о публикации №117101411049
Рецензии