Прайшла праз пакуты рэпрэсій
Мова мая, пакутніца.
Яе растрэльвалі ў лесе,
Змянялі шыльды на вуліцах.
Яе перапісвалі тыя,
Хто мовы ніколі не ведаў.
Знішчалі зямлі святыні,
Каб іх не было і следу.
Яе выганялі з Храмаў,
Каб Бог не пачуў, што людзі
З малітвай страчаюць ранак,
Дзе мова анёлаў будзіць.
Ды толькі яна выжывала --
Расла з васількамі ў полі.
Выходзіла з брудных падвалаў,
Каб птахам ляцець да волі.
Са страхам глядзелі вар'яты
На гонар яе народа,
З якім нават дух распяты
З вышыняў гукаў свабоду.
Мова мая, пакутнiца
© Copyright: Валерий Познякевич, 2017
Свидетельство о публикации №117100707476
Свидетельство о публикации №117100707476
Рецензии