Жима ву сан суртдиллархо.
Кара беъча къолам шен,
Цхьа говзанча хуьлу цунах,
Ца хеза ц1е йоккхуш шен.
Нанас дов дарх шек ца волу,
Реза ву шен балхана.
Къолам бу говзанчех кхоьруш-
Массо пен цо "кечбина".
Ший а бесни шен къарзйина,
Массо п1елг а бехбина.
Хилла ваьлла суртдиллархо...
Нанна болх цо баьккхина.
Азман Джабраилова.
Жима суртдиллархо
© Copyright: Аза Атагинская, 2017
Свидетельство о публикации №117100508281
Свидетельство о публикации №117100508281
Рецензии