Дог хьаста, дог тедан, еза хьо нана
Дахарера д1акхалхаллц, оьшу хьо нана
Къинт1ера ялалахь, хьомсара нана
Дог хьоьстуш дешнаш ас, к1езга дийцарна.
Хало т1ех1оьттина, я ца хилча там
Г1айг1ане йоьжна, гайча со хьайна
Деган молха хуьлий, д1ах1утту нана
Дахаран къахьаллин ца бойтуш чам
Б1аьстенан зезаг ду, со йина нана
Цу маьлхан нур ду, со кхиош йолу нана
Стилгара беттаса, ду хьо сан нана
Ламанан шовда ду, со езна нана.
Декъала йойла, сан хьоме нана
Хьан вон ма гойла, дахарехь тхуна
Ирс долуш ехийла, массо а ханна
Даима еларца гур йолуш тхуна.
Нана Мама стих на чеченском языке
© Copyright: Фариза Цалдаева, 2017
Свидетельство о публикации №117100406161
Свидетельство о публикации №117100406161
Рецензии
МашаАллах1! Как красиво! Дала могуш-маьрша латта йойла нана! Ч1ог1а хаза байт ю.
Аниса Ибер 08.11.2024 19:34 • Заявить о нарушении
Аниса Ибер 08.11.2024 19:34 • Заявить о нарушении
На это произведение написаны 2 рецензии, здесь отображается последняя, остальные - в полном списке.