И дуьньядай зун фейит1а,
Вун туна белки ,кьейит1а
На ви гъам акъая гаруз
Ам гьазур я ви дерт тухуз.
Гьикьван к1ан хьанайт1а ву заз
Акъая на анжах тараз.
Яб гуда ваз юзурна хел
Хъипи пешер вегьез чилел.
Кьамир накъвар , фий, ракъура
Вахтни марф къвадай жагъура.
Дарих хьайла алад чуьлдиз
Регьят жеда ви гуьгьуьлдиз.
Къванеривни рахух к1еви,
Абурни , гъавурда гьатда ви.
Са касдизни на жуван гьал
Лугьумир , ам хъуьреда вал.
Акъаймир на беден зурзаз,
К1енивал, гайикьван за ваз.
Мич1и йифиз экв гайи гъед
Акурбур тир , анжах чун кьвед.
Зун галачиз
© Copyright: Гулья Мисриханова, 2017
Свидетельство о публикации №117092109108
Свидетельство о публикации №117092109108
Рецензии