Ды ков тон туят вензэ лангс? Ков туят?
Те чоподаванть виде ки а муят.
Иля капша. Кумажа лангс тень прама?
Содан, ялатеке течи ильтямат.
Кодамо вий эйсэть уски? Ков терди?
Сон алдо лиссь икелеть? Сяворсь верде?
Кенкшлангсо эрязкалезь чочтнят плаштят.
Тошкан: аштек… Ансяк содан, а аштят.
Кенкшенть мельгат тон, капшазь, стувтык сёлгомс.
А мезень кисэ монень мартот сёвномс.
Та-кода мекевлангт ней читне уить:
Тон течи сыть, ансяк исяк уш туить.
Ков тон?
© Copyright: Алина Подгорнова, 2017
Свидетельство о публикации №117091905991
Свидетельство о публикации №117091905991
Рецензии