Гьатна ракъар лап ччилера,
Къугъвазва цифер.
Селлер хьана гьа чуьллера,
Тухузва "лекьер".
Амач захъ я йифен ахвар,
Я кьарай йикъан.
Агаж жезва рик1ин хамар,
Азабдив гьикьван.
Кьат1ун жезвач дуьньяд хабар,
Ишелди рик1 нез.
Аватна хаз гъиляй къапар,
Четиндиз экъвез.
Ивиламиш ийиз дуьнья,
Терг ийиз инсан.
Вуч инсафсуз им к1валах я,
Рик1е гьатиз къван.
Квахьиз физва мулдин цуьквер,
Кьураз гьак1 дибер.
Хкатна лап рик1ин эквер,
Амукьна эллер.
Вуч лугьуда, амач гафар,
Заз лугьудай квез.
Кьиле амач я зи гьарфар,
Кьураз гьак1а мез.
Им дуьньядин эхир яни?
Куьне заз кьван лагь.
Авач заз рик1 ибур эхир,
Хьанва зун лагь - магь.
Им дуьньядин эхир яни?
© Copyright: Назиль Махмуд 76, 2017
Свидетельство о публикации №117091405778
Свидетельство о публикации №117091405778
Рецензии