EV Zug- ХК Нёман 3-2

А я, напэўна, ненармальная!
Мы не здабылі перамогі,
А я чамусьці усміхаюся
І унутры няма трывогі!

У думках толькі адно слова
(у кожнага ў Беларусі!)
Пад сэрца грукат паўтараецца:
І гэта слова: ГАНАРУСЯ!

Турніры рознага ўзроўню
Ў краінах нашых адбываюцца,
Але калі гуляе Нёман
Ці ты аб гэтым здагадаешся?

Наш клуб, ты варты гэтай лігі!
І за цябе зусім не сорамна!
Ты прыклад мужнасці і стойкасці!
І узмацняеш толькі гонар нам!

За барацьбу кажу я дзякуй,
Што да канца ты не здаваўся!
Як не давілі б, не душылі –
Упэўнена абараняўся!

І як ляўша хачу аддзячыць
За шайбу першую Арцёму!)
Ён дапамог мацней паверыць,
Што прывязём ачкі дадому!

І пра другую не змаўчу я,
Яе б закідаць пахвалою,
Бо пасля шайбы Вячаслава
Мяне накрыла з галавою!)

На жаль, праціўнік адыграўся,
Абодва раза лік зраўнялі,
І аж да самых да булітаў
Нас у напружанні трымалі!

Не, і пасля не адпусціла:
Я, нават, дыхаць забывала,
Калі глядзела на буліты,
За Нёман так перажывала!..

Яшчэ раз дзякую Камандзе,
Якою вы былі ў матчы!
Асобна Мішы і Нікіце
За важныя іх перадачы!

Ці я нікога не забыла
З прысутных на гульні адзначыць? -
Былі гучней фанатаў Цуга!!!
Для нас усіх то многа значыць!

Вамі таксама ганаруся
За вашу вернасць свайму клубу!
Не шмат хто можа тым хваліцца,
А я ж вамі хваліцца буду!!!

Трымаем курс далей на Вену,
Чакае там усіх падмога!
Пакажам там Сваю гульню мы
І вернемся ўсе з перамогай!
31.08.17