Сенфен ахвар, къалурнач заз
Атанвай диде
Белки руьгь тир , са кьил ч1угваз ,
, Гьатнавай к1вале.
Элкъвейла зун чими фу гуз,
Жуван хтулдихъ.
Акуна заз шал дидедин
Галаз стулдихъ.
Тадиз а шал кьуна гъиле
Къалабулух кваз.
Гагь и патахъ , гагь а патахъ
Фена зу шал гваз.
Фад-фад фена жагъуриз зу
Диде авай к1вал.
Атанвай диде такурла
Гьатна рик1е т1ал.
За сундухда хуьзвай а шал
Акъудна вучиз?
Белки диде атанвайт1а
Хутахиз вичиз?
Я тахьайт1а алук1 лугьуз
Акъудна анай
Вегьенвайт1а , зи стулдихъ
Шал цуьквер алай.
Тунвай тир за шал сундухда
Ядигар яз амукьдай.
Белки вахтар атанват1а?
Дидедин шал алук1дай?
Аламатдин инсан я зу
Гагь шехьиз , гагь хъуьредай.
Цаварал хъфенвай диде
Жагъурзавай дуьньедай.
Дидедин шал
© Copyright: Гулья Мисриханова, 2017
Свидетельство о публикации №117082110737
Свидетельство о публикации №117082110737
Рецензии