ДИДЕ ВУНА ИХЬТИНДИ ЯЗ
Хайи кас я зун.
Цаварилай килигиз заз
Зи крарал рази ят1а вун?
Фикирри зун чуькьвезва ,
Зал зи кьисмет хъуьрезва.
Айгьам ава хъуьруьна ,
ГЬат лугьузва гуьгъуьна.
Рагарни кваз кьат1зава
Къалгъанрани гьатзава.
Гьак1 ят1ани , язух зу
Адахъ галаз катзава.
Гьатна лугьуз гуьгъуьна
Заз къаргъишар ийимир.
Анжах рекьин юкь хьайла
Вун кьулухъди хъфимир.
Алад кьисмет вун вилик
Зун гуьгъуьна къекъведа.
Вун галат хьайи юкъуз
Зун кьулухъди элкъведа.
Чизва заз а кар хъсан
Вахъ гьунарар авайди.
Чуьнуьх хьана гьамиша,
Зи далудихъ галайди.
Я кьисмет , зун санал тур
Кьуьл эцягъмир дабанда.
Гагь къвезва заз вакай хъел
Уьмуьр тагай ватанда.
Гагь рази я валай зун
Агатайт1ани векъизни.
Лув гуз твада цавара
Экв гуда зи рекьизни.
Кьисметдихъни вичин сир
Авайди заз гьаян я.
Зун зи пак кьисмет галай
Вири хьтин инсан я.
ЗА вуч ийин
© Copyright: Гулья Мисриханова, 2017
Свидетельство о публикации №117081408218
Свидетельство о публикации №117081408218
Рецензии