Мад Жалгъандал цифер ала,
Къеле - мекве.
Шезва мет1ел кифер алаз
Туьтуь-бике:
"Вун рагьметдиз фена, зи гъуьл,
Фетали-хан.
На туна заз къайгъуйрин гьуьл,
Агъур къалхан.
Руг-ругна хьи вуна зи рик1-
Буьлуьлдин къаб,
Физва-физва накъвар гъарик1,
Ац1узва гъаб.
Къапудив гва карвандин кьил:
Балк1ан, деве...
Давам жезва чуьруькдин зил,
Накьан дяве.
Дуьнья тараш-талан жеда,
Дат1ур даллай,
Хандин пабни алван жеда
Ат1ундаллай..."
Туьтуь-бике
© Copyright: Пакизат Фатуллаева, 2017
Свидетельство о публикации №117081110361
Свидетельство о публикации №117081110361
Рецензии