Кьурурна атай шел туьтуьна,
Зегьем зуз алахьиз туп1арлай,
Жуван рик1 чич1ек хьиз куьткуьнна,
Яр, за ваз гъил яна рак1арлай.
Бамишна гьуьмеди вили син,
Ст1алдихъ къаних я туртурар.
Къвада сел - шит ийир дели жин,
Амукьда чилерин хатурар.
Чил к1еви, цав кьакьан. Кузва кьил.
Падна циф вад хилен къирмажди.
Гьинва сел?!
Хуш хьана, суст я чил
Лейсандин аваздик, тамаш де!
Шезва зун... К1вахьзава рик1ин зуз
Хъвер гуьзет ийизвай хъуьхъверал.
Къвазва марф, къвазва марф тадисуз,
Ванзава пеш еке векьерал.
Чара хъхьун
© Copyright: Пакизат Фатуллаева, 2017
Свидетельство о публикации №117072909566
Свидетельство о публикации №117072909566
Рецензии