* * *
Заз ви сирер чир хьана ви вилерай:
Квачир ч1алак гьич зеррени айгьамдин,
Дакьурт1ани кьин ц1арарал каламдин,
Ч1алахъ я зун - ви рик1 зав гва чилерал.
Аян я заз, вун к1евера гьатзава,
Низ таниш туш ашукь рик1ин ялавар:
Алат1ани вал къизилдин бухавар,
Руьгь к1анидан гелехъ къекъвез катзава.
Цав кьакьан я, чил к1еви я, гьуьл - даяз,
Алахъна вун ийиз и дерт кьезилар -
Артухарна чи арада мензлар,
Ачух, ширин са суьгьбетдихъ вил галаз.
Заз ви сирер чир хьана ви вилерай...
© Copyright: Пакизат Фатуллаева, 2017
Свидетельство о публикации №117071509845
Свидетельство о публикации №117071509845
Рецензии