Я не ў крыўдзе…
(“дабразычліўцам”)
Дзякуй, дружа незнаёмы,
За тваю ацэнку “дрэнна”.
Твой пасыл даўно вядомы
І чытаецца імгненна.
Каб заўважыў штосьці шчыра-
Палічыла б за навуку.
Толькі жыць прывык не мірам.
Адчуваеш жабы муку?
Не чытаў радкі, няйначай,
А за верш паставіў двойку.
Не лічу гэта няўдачай,
Твой учынак мне без толку.
Надзеў маску-невідзімку
Быццам помслівы раўнівец.
"Аватарцы" нават здымка
Не прысвоіў, баязлівец.
Чытачоў парады трэба
І сяброў люблю я новых.
Не забраў майго ты хлеба
Ані ўчынкам, ані словам.
Так што дзякую бязмерна…
Зайздрасць шчасця не прыносіць.
Колькі б ты ні ставіў “дрэнна”,
Муза радасць мне прыносіць.
2017 г. Ніна Кавальчук
малюнак з інтэрнэта,
аўтару дзякуй.
Я не в обиде...
© Copyright: Нина Ковальчук, 2017
Свидетельство о публикации №117071007923
Свидетельство о публикации №117071007923
Рецензии