Тушса тушсун Гитлер пача тахындан,
Ачылмасын къатынланы агьындан.
Чапгъын этген мени сыйлы элиме,
Умут булан ону гючден елеме.
Эргишилер уллу давгъа гетгенлер,
Оьз элине олар жанын бергенлер.
Бизге тюшдю тер акъгъынча ишлеме,
Солдатлагъа герек дослар тишлеме.
Оьз жанларын къызгъанмай ол къочакълар,
Гюлле тийген топуракъны къучакълай.
Аналары тёге гёзъяш бурчакъдай,
Тар къабургъа ята яшлар къурчакъдай.
Атабыз да гетди давгъа яшындан,
Анабызны не гьал гетди башындан.
Душман салды бизге уллу пелекет,
Къайда эди? Бу гьалиги берекет.
Гитлер пача
© Copyright: Адилгерей Минатуллаев, 2017
Свидетельство о публикации №117070409113
Свидетельство о публикации №117070409113
Рецензии