Эсге алсам сёзюм гелмей сёзюме,
Булай къыйын гёрюнмесин гёзюме.
Душмангъада ёрамайман къыйынны,
Шу сёзлерден башлайман мен йырымны.
Эндирейге тоюна ювугъумну,
Ёл чыкъгъанман кютмеге къуллугъумну.
Умут этдим тою булан къутлама,
Гюл-чечекдей огъар яшав ёрама.
Той юрюле, жыйылгъан дос-къардашлар,
Бирлер бийий, биревлер айта тостлар.
Амма ахшам пашман хабар етише,
Ювугъубуз терен ойлагъа тюше.
Гелин къызны оьз-анасы жан берген,
Бу дюньягъа ол даимге арт берген.
Женнетлер де болсун жаны ону да,
Юху тапсын парахат тар къабурда.
Эндирейге тоюна ювугъумну
© Copyright: Адилгерей Минатуллаев, 2017
Свидетельство о публикации №117070408870
Свидетельство о публикации №117070408870
Рецензии