Босей аре…
Тийна улла лаьтта.
Сигла хьувза
Къоарза догIан морх.
Готтача наькъ тIа
Тайжжа урагIйода,
Дайнар дувцаш,
Узам бу
Са ворда.
Ареш хестош
Ловза маьлха зIанараш,
Иллешца ека
Оалхазарий оаз,
ХьаьIача шовдай
Халха ювла талгIеш –
Сайца шеддар
Декаш
Сона хоз.
Дахчан вордо
ТIехьа еча ларо,
Говран барго
Лаьтта сурташ дехк.
Къаьна алача
Денал уралоатто -
Къа хете а,
Аз даггара лехк.
Лоаман наькъа
Чаккхе йоаца дIоахал,
ЧIожеш, тархеш
Хьоца тайна я;
Хьесташ, чувхош,
Къайлайоахаш сердал,
Малха духьал
Бирса морхаш я.
Бехк ма баккха,
Тешам бола алача-
Довкъаш, аьлеш
Хьона хала да.
Мухь а бац
Iа текхо царел атта...
Хlаьта а йода
Цlувзаеш, хьо, ворда.
15.11.1986.
Шолжа-гIала.
Ворда
© Copyright: Аслан Куазо Ингушетия, 2017
Свидетельство о публикации №117062807838
Свидетельство о публикации №117062807838
Рецензии