Дагъларин уьлкве я , къванер мармардин.
Эк1яй хьанвай кьере , ч1ехи Хазардин.
Вин чуьллер, дереяр девлет квайбур я,
Ви рушар , гадаяр намус гвайбур я.
Авадан хьурай вун
Ватан-Лезгистан
Тербия авай к1вал,
Хзан-Лезгистан!
Такабур Шалбуз-дагъ кьил кьуна виниз,
Дамах гваз хъуьрезва , чин хайи чилиз.
Сергьятар гегьенш я , чилерни еке
Ахцегь, Дербент, Къуба, Къусар ва Куьре.
Авадан хьурай вун-
Ватан -Лезгистан
Акурай ви гьал чаз
Хъсан Лезгистан!
Лекьер я чун лекьер , азадвал к1ени
Гьазур я вилик физ, хиялрал михьи.
Яру ранг ят1ани , ква лезги иви.
Сагъ хьурай лезги халкь, сагъ хьурай вири!
Вун женнетдин багъ я
Цуькверин макан!
Авадан хьурай вун,
Лезгийрин-Ватан!!!!
Лезги гимн гьазуруниз куьмекчи шиир ЭВЕР ГУН
© Copyright: Гулья Мисриханова, 2017
Свидетельство о публикации №117062509977
Свидетельство о публикации №117062509977
Рецензии