Муьжуьдар

Марьям Алискерова
Вун хъфизва,тек жеда зун чи хуьре.
Вуч тади ква ви машиндин чархарик.
Акl жемир ваз,вун жедай хьиз суварик.
Вун хъфизва,тек жеда зун чи хуьре.
Тамарзлу яз туна зун ви гафарихъ.
Чи кьведанни вил галама гатфарихъ.
Вун хъфизва,тек жеда зун чи хуьре.
Вуч тади ква ви машиндин чархарик.

Зун хиялри агудзава ви къвалав.
Кlан хьайитlа,рикlяй-рикlиз рехъ жеда.
Рахан тийиз лагьай гафар пехъ жеда.
Зун хиялри агудзава ви къвалав.
Чидач гьеле,зи кьил вай акъатзавач.
Я шад туш зун,вун хъфена,тек жеда.
Зун хиялри агудзава ви къвалав.
Кlан хьайитlа,рикlяй-рикlиз рехъ жеда.

На лагьана,тlвар амукьда ви рикlе.
Зи рикlе ви тlвар амукьун бес я заз.
Шиир кlелиз герекди ви сес я заз.
На лагьана,тlвар амукьда ви рикlе.
Ара атlуз аквада ваз зун хуьре.
Рикlиз хуш тир са играми кас я заз.
На лагьана,тlвар амукьда ви рикlе.
Зи рикlе ви тlвар амукьун бес я заз!


© Copyright: Марьям Алискерова, 2017
Свидетельство о публикации №117061510525
Список читателей / Версия для печати / Разместить анонс / Заявить о нарушении
Другие произведения автора Марьям Алискерова
Рецензии
Написать рецензию
Другие произведения автора Марьям Алискерова