Зун сифте яз экъеч1нава сейрдиз,
Гъилин лацал куьрпе алаз варз тахьай.
Гар къекъвезва кьец1ил багъда шегьердин,
Гар къекъвезва хура, гьиссер харж тахьай.
Архайин я ахвар ширин баладин
Гьеле чилин генгвиликай хабарсуз.
Бес зун, бизар тавур чухур-чалади,
Куьз дарих я, рик1ин къене къабар куз?
Серт саврухри кьиблединни кефердин
Къарсурнани пайгарвилин терезар?
Зи хивевай "уьмуьр" лугьур сеферди
Гудат1а са динж ва экуь бере заз?
Къати-туракь ракъинихъ вил хьанва зи -
Хъуьт1уьн зарул зур ц1урурдай фелекдихъ.
Ат1ай умуд... Чан къаяб хьиз къанва зи.
Белки адаз са ц1елхем я герекди?
УМУД
© Copyright: Пакизат Фатуллаева, 2017
Свидетельство о публикации №117061207421
Свидетельство о публикации №117061207421
Рецензии