"Мама"-аьнна,
кхы чукхайкаргьяц со.
"Ера хьо"-аьнна,
кхы йистхургьяц хьо.
Бера хана денз
со хьийста дог,
Лаьттах доалл х1анз,
Из ла мишта мог!
Лаьттах даханзар хьона из
ше цхьалха,цхьаь-
Са дог шийца дихьар цо,
Са кера чу шийла ша баь!...
1адика йойла хьа,
са еза нана,
Никъ шаьра хилба хьа,
са мерза нана.
Хьона духьал боаг1алба
Фурл1алий мехкарий,
Хьо хьаьша я,т1аэцаш
К1ай дувхараш дийха.
1а г1ийла бой хьийстача бес,
Цу Далла хьо хьестийла!
Хьа камаьрша хинна кулг
Юха даьсса ма дерзалда,
1а Сурт-т1аь т1а боаккха ког
Цу малайкаша байболба
Хьа къахетаме хинна дог
Ялсмале тедолда...
Наьнага
© Copyright: Лиза Ужахова, 2017
Свидетельство о публикации №117060704227
Свидетельство о публикации №117060704227
Рецензии