Техника безпеки 2

Біров і папуча.


Ошколує Біров-бачі
Што треба робити
Жеби даку баламуту
Людям не вчинити.


В філії Концерну вучить
А щи й на Радванці
Дає припис што вчинити
Цигану циганці.


Щи й гуцули як рубавуть
Чарівні смереки
Перед тим фурт  почитавуть
Правила безпеки.


Лем я Бірова не слухав…
Дрова йшов колоти,
Взяв папучі неваловшні
До тої роботи.


Нашто чижми на ся брати
Боганчі носити
Кидь папучі гумійові
Мож собі купити!


Учинили їх китайці
Жовтима руками.
Най не ходять валягови
Босими ногами!


Кефу й бокс на них не треба
Мож і так носити.
На великдень лем раз в році
В лаворі помити.


Маву я такі папучі-
По дворі ходити,
Канчув вина натягнути
Ружку покормити.


Через них не раз ся  ховзав
Падав на гузицю.
Через них розбив корчажку
Коли м йшов в пивницю…


В мокрих путався папучах
«Волгу» гамовати…
Через них «Ніссан Теана»
Мусів в нус дустати.


А в суботу фийса востра
Затялася в ногу …
Гомонай ( бабрак нелапший )
Надав допомогу.


Нога фачликом завита
Не стає в боганчу…
Назад я беру папучі
Коли дашто внанджу!!!