Чилин деринрай кьил хкажна гегьверди -
Ам ахваркай кудна гатфар эверди -
И гуьзелвалвал чаз бахшзавай, т1ебиат,
Гекъиг жеч вахъ гьич са зат1ни гьакъикъат.
Жив ц1рана агакьдалди тамара,
Гатфари мел башламишда багълара,
Яваш-яваш камар вегьез къекъведа,
Лацу дуьгуьр гьар са тарцел вегьеда...
Ч1агай свас хьиз багъ яргъалай аквазва,
Билбил тарцел манидалди рахазва,
К1анивилин гьис авайбур рик1ера,
Сейир ийиз жеда ашкъид рекьера.
Мулдин цуьквер къведа тамун къужахдиз,
Кьил агъузна, яб гуз ц1ийи булахдиз...
Цуьквед атир чилел, цава, алемда -
Гатфарин мел майдиз гьатда лап демда...
Чубарукри мукар ийиз ч1ерейрик,
Кьалар, самар гъида кутаз гьебейрик...
Гьа къе-пака ч1ив-ч1ивдин ван кьуд патаз...
Вуч иер я, гатфар, ви кам, ви аваз!
Вуч иер я, гатфар, ви кам, ви аваз...
© Copyright: Гасанова Гюзеля, 2017
Свидетельство о публикации №117052402389
Свидетельство о публикации №117052402389
Рецензии
Гзаф иер гафар я,Гюзеля вах! !!
Гевгьерар, мулдин цуьквер чубарукрин мукар-вири зи вилерикай карагна! !!
Сельмина Курабекова 24.05.2017 11:21 • Заявить о нарушении
Гевгьерар, мулдин цуьквер чубарукрин мукар-вири зи вилерикай карагна! !!
Сельмина Курабекова 24.05.2017 11:21 • Заявить о нарушении
Рик1е гьамиша гатфар хьурай, вилерикай хуш вакъиаяр, шикилар караграй,Селминат вах. Ч1ехи гьуьрметдалди Гюзеля
Гасанова Гюзеля 25.05.2017 21:49 Заявить о нарушении
Гасанова Гюзеля 25.05.2017 21:49 Заявить о нарушении