УВУЪ ХЬУЗ УЗУЗ ККУНДУЗУЗ ПИЯН
Дарман дарибшри узуз яв гаф
Фила уву ав к1уруш узу ккилигурайи.
Дарман ибшри узуз яв ав
Гьамкьан вахтназ узу иццури дерккнайи.
Дарибшри дарман яв манишин узуз
Гафнииндикьана ялав узук кубк1уз.
Ибшри дарман яв ялав узуз
Авну йиз яман иццрушин дебккуз.
Ккундузуз уву, я ахмакь…
Гюллеси яв гаф узуъ маабсан.
Ушвниан идипубди ап1ури шулив п1акь…
Мут1урк1ан увуз ккунир, яв масан.
Дарман дав шлубси мап1ан…
Гафну гъут1урк1ир сагъ ап1уз хьибдар.
Яв ав аязназ миилт1ибк1ан…
Яв ялавнура узуз хъа манишин тувидар.
Дармни зиян сагъ ап1ури шул к1уру,
Уву узуз дарман вуна дарш зиян?
Маш илипган ваъ пуз аьгъдрударра шулу,
Увуъ хьуз узуз ккундузуз пиян.
Увуъ хьуз узуз ккундузуз пиян
© Copyright: Рашид Азизов 2, 2017
Свидетельство о публикации №117051311221
Свидетельство о публикации №117051311221
Рецензии