Жди меня Хьежа сога

(Перевод на ингушский "Жди меня" Константина Симонова)

Хьежа сога, кхоачаргва со.
Амма хьежа чIоагIа,
Хьежа гIайгIа яхьача хана
IажагIача догIо.

Хьежа лоа IотIаделхача хана,
ЙIовхал яле а денна,
Кхычарга ца хьежача хана,
Селхан дIабицбенна.

Хьежа, гаьнара аренашкара
Каьхат хьацакхоаче а,
Хьежа, хьоца хьежарашка
КIаьдвалар тIакхоаче а.

Хьежа сога, кхоачаргва со.
Iа даькъала ма вувца
Дагахьа со дIавицавар
Ха кхаьчалга дувцар.

Нана а, воI а хилийта
Со вейналга тийша,
Новкъостий а кIаьдбалийта
ЦIера йисте хейша,
ТIехьара дешаш хетадеш сона,
ДIа-хьа эцаш дувцалда,
Хьежа. Сиха ма лелахь царца
Соца Iадика ювца.

Хьежа сога, воагIаргва со
Iоажала футтаройна
Алалда хьийжа воацачо:
-Аьттув ба цунна тайна.
Кхетадергдац цахьийжачо,
ЦIерах воагаварах тIемо
Хьа сабардаро, сатемо
Мишта кIалхараваьккхав со.

Мишта дийнависар со
Хургдац вай шиъ мара ховш
Цхьаннена цаховча тайпара
Алхха хьо яр хьежа ловш.

Таржам: Муса Йовло