Йифна диф

ЙИФНА ДИФ

Гъулаз душну гъафи балин
мегьел аьжайиб ккудубк1надар.
Дугъу ктитура чан рякъбар,
хъа хуландар гъавриъ ахърадар…

«…думу вуйи гизаф…
абц1ну вари тереф,
я дайи муч1уб,
я алиб муч1муч1…

Вуйи дидин саб ранг,
сабдинра ранг алдруб.
Адар дидиз гьич саб дарг,
даргниинра ву учв алиб…

Наанди гъилигиш
улариъ абхьру…
Наанди лик дивиш
ликарихъ хъабхьру…

Завуъра а думу…
Думу адрушв адар:
Гъяригъра, гъюлягъра,
кюмгърягъра гъя думу…

Бисузра шуйи,
гат1абхьузра…
Хъабц1руб дайи
вардиз пай гьап1нийишра…

Дидхьан улариз рябкъдар…
Вуйи бамбагсибра…
Вуйи кумсибра…
Амма думу вуйи саб…

Думу гъябгъруб вуйи
улчвубхурира, уьбхнура…
Дидлан улчвухуйи баярра…
Дидхьан рябкъдайи Кьаркьулра...

Думу ккуниб ву жанавраризра
Дярякъди марччар-ччилар дисуз,
ва дурар гъюри шулу гъулахънара 
гуч1 шлу ц1узар ап1ури рагуз…»

«Я жан бай, фу ву думу дициб
ихь шагьриъ зат адруси?
Белки учв вушул дарцциб
мина гъюз гъидритруси…»

«Думу мушваъ айиш
гьаригъ хьибдайи мишмиш…
Думу мина гъафнийиш
ап1уйзаву дидихъди таниш...».