Чаз четин я яшамиш жез
Гьик1 кутан чилик.
Нубат хьанвачирт1ани вун
Экеч1на вилик.
Жегъин тийиз кич1езвайни
Ваз,пайгар чка?
Лап фад фена, чун ик1 пашман
Авуна вуна.
Вун герекбур а дуьньяда
Белки гзаф я
Акъваз ! лугьун хийир хьанач
ГЬак1ан са гаф я.
Белки чун хьиз,акъатайла
И дуьньядиз кас
Гьабуруни шадвалнат1а?
Гъилерал вун кьаз.
Гьазурнавай белки чка
Женнетдин багъда.
Твадач кьван вун , чна кутур
Памбагра , агъда.
Ават1а лагь, руьгьдив рахух
Хъсанвал ана?
Рази ят1а ,чазни чира
Са гаф лагь вуна????????/
Четин вахтар
© Copyright: Гулья Мисриханова, 2017
Свидетельство о публикации №117043009790
Свидетельство о публикации №117043009790
Рецензии