Эй, инсан вун бахтунилай эляч1на фимир
Акъая рак, варарихъ кьуьл гелячна фимир.
Къекъвемир ,гьак1 гьуьжет ийиз вахтарив
Ч1ехи ая , гелкъугъ жуван бахтарив.
Дуьнья я им , алдатмишиз желбзавай вичел
Мугьманхана-к1вал эцигиз твазва чав чилел.
Инай аниз чукуриз тваз, тагуз гьич мажал
Кисна , рекье твазва ахпа , гуьгъуьниз ажал.
Мукъаятдиз тухун чна , чин уьмуьр рекье
Сифте хъсанвилиз чка , гун жуван рик1е
Хутахда чун ажалди мад сурарал.
Агъзур дап1ар эцигайт1ани рак1арал.
Акъатдай туш къастар кьилиз рахай кьван.
К1ват1 жедай туш, девлет чилел алай кьван.
Вахтуни , вин нек1един хьиз тах ат1ай ч1авуз
Умударни кваз рекьида, рагъ ак1ай ч1авуз.
Уьмуьрдин адет
© Copyright: Гулья Мисриханова, 2017
Свидетельство о публикации №117043010284
Свидетельство о публикации №117043010284
Рецензии