Къанунар ва веледар

КЪАНУНАР ВА ВЕЛЕДАР

Мизиган жафа
жарари ип1идияв…
Мибисан хъял…
…бисрударра хьиди...

…Зиг жафа
яв хилариинди...
Диди ац1диву…
…шад ап1идиву...

Жарарира ип1ури шулу...
жараринуб ккубкьури… –
уву деребкку къанун
увхьан гьюдюхюз дар шлуб...

Гъит хъялра гъюри ибшри...
…инсафсузваларикан...
Думу нягьякьвал дар…
Думу вуяв гьарай Заанурихьна вуйи…

Хъял бисрударин ният жараб шулу…
Гьяракат дап1ну дицирихьан ярхла йихь…
…шулдарш, ап1ин зарафат…
белки диди думу кташвур.

Гъит, уву ап1руб
жвувсир ккунди ап1ин…
Милиган яв хайирназ…
Ккунивали хайир хуру жарариз…

Гъунши ужуйи хьували
жвуваз дидкан ктрубк1ди гъубзурин?
Жвувак кубк1убди
гъуншдиз зиян дарап1урин?

Му гафар гьавайидар дар…
Мурар узу деркку къанунар дар…
Аллагьди ваъ, хъа Заанури дерккнайидар ву
вари инсанарикан Чаз веледар хьузди.

Сифте къанунар вуйи...
...хъасин веледар гъахьнийи...
Гьамус веледар духьна...
...къанунар дерккрайи...

Наанакьан алдабгъидива лик,
Заануриз кьабулди адру...
фукьан ап1идива фурс
увуз ккеп1найи бала дярябкъди...

Жан бай, узуз уву ккундузуз...
Заанури Чан Бай увхъанди гъап1ну гъурбан...
Узхьан увуз фу шул тувуз...
Заанури уву адлу ап1руб вари тувнавуз...