Я инсан, табасаран

Я ИНСАН, ТАБАСАРАН!

Я инсан, табасаран,
гъузуз му жилиин фици удубкьуравухьан
дюньяйин халкьари урхурайи
яв абйирин Китаб гьясби ккадарди!?

Яв ккунидар ярхла гьадаъну,
уву ип1урайи уьл тина дап1ну,
ляхнар-карар вари гъитну
ихь гирами Китаб – Библия убх.

Диди яв ккунидар имбубт1ан ккун ап1уз гъитдивухьди…
Уву ип1урайи уьл мянфяаьтлут1ан мянфяаьтлу ап1идияв…
Яв ляхнар-карари хурайи хайри хулар ац1дияв…
Ва уву ккунирна даккнир ачухъди аьгъю хьивдивуз.

Яв абйирин тарих ка Душвак…
Яв хизандин аьгьвалатнакан дибик1на Душвак…
Яв насларин гъюз имбу уьмур рябкъидивуз Душваъ…
Ва увканра  масанвалин гафар а Душваъ...

Диди тувдивуз гьякь аьгъювалар…
Диди дигиш ап1идияв ужувлахъинди хасият…
Диди уву заан ап1идиву гьарсаб йишваъ…
Ва «Чухсагъул!» яв мелзналан хьибдар кам.

Аьгъю йибхь, эй инсан, табасаран!..
Диди уву гьяйванатарин ц1арнаан адаъну
уву Ккунирин багахьна заъдиву…
Ва: «Бахт ккунийдизуз» к1урайири,
уву бахт жарадариз хьидива ап1ури пай.