(Мяъли)
ДуфнайкIан кьюрд, дарш хьадукар?
Ригъ ашра, юкIв мани шулдар.
Хъивнуш гьаз уьмриъ йиз, микIар,
Сефил юкIвраз хабар адар.
Кьисмат йиз вуйкIана тахсир?
Даршсан, мюгьюббатнан сир?
Уьмриз бахтнан дуфну аьхир,
Дюн’яйилан гъушну ккунир.
Ккунирихьна аьршдиз, Аллагь.
Я жегьеннам, я женнет ча!
Йиз жан ибшри гъурбан валлагь,
Улуп узуз дарман-чара.
Ярхи йишвди завариан,
Рякъюразуз улар пашман.
Жандиан гъябгъюру аман,
Фукьан дардинхъа дерд яман.
Яваш ригъ, мабхьана гьялак!
Тувуз шулдар дердериз акв.
Тувну кIури улариз нур,
Абгуруш йип, наан сабур?
Йа Аллагь
© Copyright: Гюльмагомед Расулов, 2017
Свидетельство о публикации №117042407218
Свидетельство о публикации №117042407218
Рецензии