(Мяъли)
Му дюньяйиъ духьназа сар.
Дих апIурашра, духьну кар.
Кур гъахьну, йиз бахтнан улар,
Фикрарикан сабаб имдар.
Жандиъ яв, айикьан дердер,
АпIина пай узухъди яр.
Йиз кIвахьна ряхъ дубгнанайи кIваз йип,
Фициб вуш му, инсандин бахт.
ГьубкIри адар мухриъ гьава,
АпIинава яр саб чара!
Кьисматну, дапIну авара,
Ккунивализ тувна жаза.
Бахтавар кас вува инсан,
Айир хизан, мюгьюббатнан.
Гъябкъюнзузки яраб-аман,
Фициб вуш му, инсандин бахт.
Инсандин бахт
© Copyright: Гюльмагомед Расулов, 2017
Свидетельство о публикации №117042407046
Свидетельство о публикации №117042407046
Рецензии