Дусну шулу ич баб хулаъ,
ФужкIа хъадрурси, ялгъузди.
Хябяхъдин укIу мучIушнаъ,
Сюбюгьнар хъаъри явашди.
Язухъ гъабхьиган ич бабан,
Дярябкъруган чан улариз,
Хил бисури шулза гьарган,
УдучIвруган баб чIатариз.
Фукьан гъапунзаки бабаз:
«Я баб! Гъач йип, сарун, духтриз.
Тувди дарман, кадатур маз,
Шул якьин сабаб яв уьзриз.
Хъа духтир хулаз ушбахьди,
Гъягъюрухьа ихь гьяятдиз.
Ергуз, жаргъуз ва тупрахъди
Тамшир ап1уз муч1у шайиз».
Гъапи бабу: «Яшар!, яшар!
Духтрин ляхин дар, валлагь, йиз.
Лизи духьна кIару кушар,
Уьмур дуфнайган хябяхъдиз.
Гъудургну узу наан вуш,
Хабарсузди жигьил йисар.
Яркврариъ вуш, сивариъ вуш,
Сар касдизкьан хабар адар».
Хъана гъапиза ич бабаз:
«КIваин апIин наан дургнуш,
Закур душну, дургнай йисар,
Агурза, эгер дихъуруш».
Дусну шулу ич баб хулаъ
© Copyright: Гюльмагомед Расулов, 2017
Свидетельство о публикации №117042406577
Свидетельство о публикации №117042406577
Рецензии