Аьхиримжи фикрар

Гюльмагомед Расулов
Аьхиримжи йиз кIван фикрар,
ЦIадларсдар, лап марцци цIарар.
Бахш апIуйза учвуз дустар,
Уьмри хлинццар гъургундайиш.

Пашман чвул дуфнашра йиз кIваз,
ТIирхуйза ягъал завариз,
ИлтIикIну ппаздис дюзелмиш,
Уьмри хлинццар гъургундайиш.

Веледарра дапIну бахтлу,
Рази вуйза хьуз дуланмиш.
Шуйи узкан шаир адлу,
Уьмри хлинццар гъургундайиш.

Гюрчегвализ ва бахтназ, гьич
ДарапIди бахил жарарин,
Гъягъюйза дюз рякъди якьин,
Уьмри хлинццар гъургундайиш.

За дапIну хилар дюъйириъ,
Ис дапIну кIулра гъудгниин,
Шуйза рази кьисматниин,
Уьмри хлинццар гъургундайиш.


© Copyright: Гюльмагомед Расулов, 2017
Свидетельство о публикации №117042205725
Список читателей / Версия для печати / Разместить анонс / Заявить о нарушении
Другие произведения автора Гюльмагомед Расулов
Рецензии
Написать рецензию
Другие произведения автора Гюльмагомед Расулов