Дахдилай камаллу хва

(аялар патал биц1и тамаша)

Кьиле тухузвади:

Къазма к1вал тир Квасадиз,
Биц1ек Вели хва ава.
Мейва к1ани аялдиз,
Къуншидин багъ рат хьанва.

Садра акуна иесдиз,
Киц1 к1евидказ элуькьдай.
Тара авай Велидиз,
Мумкин гузмач эхвич1дай.

Перде ахъа жезва, тара шехьзавай аял акур багъдин иеси:

- Ичер турба твах к1вализ,
Шехьмир вун Квасад хва,
-Гила лагь кван халудиз,
Вахъ мад гьихьтин дерт ава?

Биц1ек Вели, вилераллай накъвар михьиз-михьиз:

К1анзавай заз физ тамуз,
Акьахиз таран ку1вуз,
Тарни кьакьанд хьурай вич,
Кук1вани са иер ич.

Ичерин  чанта хкайла,
Суфрад юкьвал эцигна,
Гуж хьайт1ани гъилериз
Абур падда ч1ук-ч1укиз.

Садни гадардач цилер,
Пад хьуй гьа вечрен вилер.
Цилер са-сад ак1урда,
Экъеч1айла т1ур гуда.

Ичин багъ зегьмет ч1угур,
Жуван емни,  я абур.
Мад зи вил хъижеч пата,
Анин гьарам емишра.

Кьиле тухузвайди аялдихъ элкъвена:

-Ви дахдивай ак1уриз
Хьанач са тар, я цаз сал.
Я туьк1вей к1вал эцигиз,
Я хуьз хьанач къара мал.

Бубадилай чешне такьаз,
Икьван мурад михьи тир,
Багъни жеда,  к1вални ваз,
Икьван зигьин къалин тир.

Кьиле тухузвайда ялдин далудал гъил эцигна аял рахкъурзава ва перде агал жезва.