Ахсрар ккивси, нивкI адарзуз архаин.
Гъягъюраза багъри гъулаз дустрахьна.
Ебхьуразуз гьевес дих яв мукьмарин,
Хъуркьайизра яв хуларин багахьна.
За духьну айвандиккна, раккин тIапIси,
Хабаъ аъган кIвантIарикк яв инчI ккади,
Дюн’яйиъ жара девлетар адрубси,
Шад ктауйва манишинра кIваз туври,
Дада гъяркъган яв, шулзуз йиз дадаси,
Ачухъ юкIв ва пашман улар гъяркъиган.
Узуз жара гъардаш вутIан адрубси,
Хиялариз фикир гъюриз саспиган.
КIваин шулзуз гьаммишан ихь бицIивал
Юлдшарихъди эъну мярхлиъ яртури.
Ижми ибшри кIури шуйва ихь сабвал,
Гележегдиъ ашкьвар хьидихьа, кIури.
Эгер уьмри дерднан гьисс чан улупиш,
Сабур апIин, уву йиз кIван дуст багъри.
Русвагь махьан, вари ккунибси дархьиш,
Яв пашманвал, узухъди пай апIури.
Вахтар гъушну, йисар гъушну саб хайлин.
Ахсрар ккивси, нивкI адарзуз архаин.
Мяъли шулу йиз гьар вахтна мелзниин,
Ебхьуз ккунди гьевес дих яв мукьмарин.
Дустраз
© Copyright: Гюльмагомед Расулов, 2017
Свидетельство о публикации №117042110705
Свидетельство о публикации №117042110705
Рецензии