Хуьруьн руш
Рик1 шадардай милайим хъвер,
Гьар са карда къизил гъилер,
Ч1улав кифер,ч1улав вилер,
Ажеб хас я ваз,хуьруьн руш.
Я вун халкьай чилер- цавар,
Гатфарин цуьк, такур къаяр,
Гьа вун хьтин галаз таяр,
Къекъведа, гуз наз, хуьруьн руш.
Йикъа ц1удра физ булахдал,
Гьейранариз буй-бухахдал,
Рик1 акъудмир, на дамахдал
Жизви салам кьаз, хуьруьн руш.
Мехъер я вун авай межлис,
Пехилбурун гьал жеда пис,
Агудмир на вав гьич иблис,
Лавгъа гафар гваз, хуьруьн руш.
Гьар са к1вале хьуй са гуьзел,
Гьар гуьзелдиз - рик1е гъезел,
Вакай мани хьурай мецел,
Ашукьдив гвай саз, хуьруьн руш.
© Copyright: Нажмудин Шихнабиев 2, 2017
Свидетельство о публикации №117041007806
Свидетельство о публикации №117041007806
Рецензии