Вили я цав,дели я к1ам,
Къвезва шагьвар, юзуриз гам,
Цуькверикай дагъдин хурал
Хранавай къацу ч1урал.
Булахдик ква гимишдин квар,
Цава ава къугъваз ачкар,
Физва дагъдиз, хъуьрез рушар,
Цуькверин гъиз гуьзел к1унч1ар.
Зун рушариз килигзава,
Чпикай к1унч1 илигзава.
Амма к1унч1 ваъ, са цуьк я тек
К1анзавайди рик1из керчек.
Хквезва руш тек са цуьк гваз,
Темен гузва адаз,къугъваз,
Ашукь хьанва руш цуькведал,
Зун - а руш къекъвей чигедал.
Цуьк акъатна къведа гатфар,
Вахт я гъиле кьадай дафтар,
Гьахьна гатфар зи рик1изни,
Акъат тийир гьич хъуьт1уьзни.
Гьахьна гатфар зи рик1изни
© Copyright: Нажмудин Шихнабиев 2, 2017
Свидетельство о публикации №117041010326
Свидетельство о публикации №117041010326
Рецензии