ДУРНИЙИРИН МЯЪЛИ
Гъазари ккебгъру
дурнийирин мяъли:
– Гъа-гъа-гъа-гъа.
Къяркърари кІур:
– Дици дар,
къя-къя-къя-къя
ву дурарин мяъли.
Гъубдубси удар
пеэр рази шулдар:
– Къа-къра, къа-къра, къа-къра, –
идирчу чпин сесер,
вуйич кІури дурнийирин мяъли…
…Тазашин мичІли гьавайин
гвачІиндин марцци завариъ
хабарсуз абхъру лаллуди
чвлин даркбар улупури.
Гюзет апІура дидкан гьарсабди –
аьршариан хилар хъаърайи
дурнийирира гьялакди айи.
Ва фици вушра,
дамахниинди гьевес айидариз,
дерейилан деккю йивну,
дурнийири гежехайрар кІуру
хъайисандизкьан мяъли гъиву:
– Къа-къа-къа-къа!..
Гъазарира разиди хъипу:
– Гъа-гъа-гъа-гъа,
саламар гъайихай!
Къяркърарира гьяйранди:
– Къя-къя-къя-къя,
ужудар ишри рякъяр! –
кІваантІан гъапи.
– Къа-къра, къа-къра, къа-къра,
дяхнар учухъ а бул
хъана кьяляхъ хъадакай! –
пеэрин тІалаб ккарагру
дурнийири кьабул
варидарин юкІвар аргру
мяълийиинди гъапІу.
Дурнийирин мяъли
© Copyright: Рашид Азизов 2, 2017
Свидетельство о публикации №117040509678
Свидетельство о публикации №117040509678
Рецензии