ЛАВЛАН
Наънан
лавлан?
Лавлан
баркаван
бабарин юкІварихьан
жиликк ккайи
накьваригъ
ригъ гьядардайи;
сирарихьан,
аьрбатан
ният хъапІрайи
йиз гъвалахъ
кагьалди,
лахъахъунди,
улдутІуради,
гъи, закур ругариз,
дурари гъитруш аьгъдарди,
гъярайи;
тарихнахьан
юкІвариъ гьарсарин
йишв дибрихърайи,
гьацира
бабарихъди накьвдик
ухдитІан кивнайи.
Гьадришвман
лавлан алабхьурайи гьар
хябяхъган,
кьюбан,
шубубан,
гьисаб адрубкьан,
ригъди табшурмиш апІайин,
ихь юкІварихьан
вуш наънан
аьгъюб апІуз дархьбан
метлеб фу ву гьан?
Сарун шлихьан шул
дидхьан гъадабгъуз дарман лавланган
накьваригъ,
ругариъ,
хиялариъ?
Наънан
лавлан?
Лавлан
бабарин юкІварихьан
«баласйирин»
машнягъ гъивру...
Лавлан
© Copyright: Рашид Азизов 2, 2017
Свидетельство о публикации №117040501868
Свидетельство о публикации №117040501868
Рецензии