Шиир рибшураза гъирибшуб убхураза

Рашид Азизов 2
ШИИР РИБШУРАЗА
ГЪИРИБШУБ УБХУРАЗА

Сарди ади
даккунди
рибшураза шиир
кьяни гугар кахьуз
чигарихьди
гвач1индин
кюкйиригъ Мигдал гъулан
гьиссарихьди
йиз мухриъ айи лат
ттюбгъюз даршулайири...
Фила гъядабт1уйк1ан
Кинерет гьюлихъ дирибшнайи йиз шиир
гугар дарахърайири
ич1и дап1найи йиз гъянаъ...
Т1ибичч убччвнайиз душваъ
элвен удубзурча к1ури
йиз Ватан Израилиан гъафирин
рягъдин сппар ккирчну ликарикк
алдакну гъяхъри к1ури зазаригъ...
Шад йихьай, гъяза зазаригъ
рижун...
чинчун...
ч1имччун...
Гъяшра гьиссари дирибшнайи йиз шиир
убхураза кудри т1ибичч
удубзурайи элвник дидин к1ак1,
узу гъитдар зазаригъ дарап1ди даккун,
кади умуд,
кит1ур к1ури дурари
йиз дирибшнайи шиърик саб-кьюб гуг...
 


© Copyright: Рашид Азизов 2, 2017
Свидетельство о публикации №117040510241
Список читателей / Версия для печати / Разместить анонс / Заявить о нарушении
Другие произведения автора Рашид Азизов 2
Рецензии
Написать рецензию
Другие произведения автора Рашид Азизов 2