Д И Г Е Д И Н В А Ц1
Вун, ватандин, дигидай вац1,
Авахьзава къайгъудик кваз.
Мулкарилай ат1уз хвал- кьац1, -
Багъ, бустан-сал ава яд хъваз.
Вун, ватандин, заз мукьва вац1,
Авахьзава лап патавай.
Чк1из к1вализ хас тир аваз,-
Гагь секин, гагь гъулгъула квай.
Вун, ватандин, "дегьрин"тир вац1,
Уламрилай эляч1из жер.
Чка-чкадал къерех я нац1,-
Акун я хуш, туш эйбежер.
Вун, ватандин, юкьван тир вац1,
Кьве латани са халкьдин пун.
Ала къе вал залан кьве "пац", -
Аруш хьанва симер цацун.
Вун, ватандин, пайнавай вац1,
Халкьни, тамни...вири санал .
Часпарди вал ч1угунва хаш,
Вуч паталди, низ гун суал?..
1993 -1997 й.
***
© Copyright: Фикрет Хидиров, 2017
Свидетельство о публикации №117040312362
Свидетельство о публикации №117040312362
Рецензии